Саха суола

Саха төрүт билиитин – саҥа тыыҥҥа!

Өбүгэ төрүт билиитин, үгэһин, култууратын, норуот педагогикатын туһунан кэпсиир төрөппүттэргэ, ыччакка аналлаах “Саха суола” диэн сахалыы ютуб-ханаал баар буолла. Ийэ сиргэ ытыктабылы, тапталы иҥэрэргэ туһуланар, саха сүтэн эрэр төрүт билиитин, духуобунай баайын чинчийэр, тилиннэрэр, сырдатар, үгэһин, сиэрин-туомун сөргүтэр, төрөөбүт дойдубут кэрэтин кэрэһэлиир, сахалыы тыын сылаас биһигэ буолуоҕа. Бырайыак Ил Дархан Гранын өйөбүлүнэн тахсар.


Бастакы биэрии ийэ тылбыт төрдүн туһунан кэпсиэҕэ. Бу биэрииттэн саха тыла үөскээһинин уонна сайдыытын, түүр тылларыгар сыһыанын, уратытын, ханнык тыллар хайдах дьайбыттарын, сурук-бичик устуоруйатын билиэххит. Маны тэҥэ ханаалга төрөөбүт тылбыт киэҥ далайыттан тэлгэһэҕэ сыһыаннаах тыллар туһунан тыл оонньуутун сэргии көрүөххүт. Биэриилэри мэлдьи көрө сырыттаххытына, кэлин тиһэҕэр тыл оонньуутун күрэһигэр кыттан бириистээх миэстэҕэ тиксиэххитин сөп. Ону тэҥэ саха мааны ыала оҕону сахалыы иитиигэ сүбэлэриттэн элбэххэ үөрэниэххит. Көрүҥ, истиҥ, сэргээҥ, сэҥээриҥ билиигитигэр билиитэ эбиниҥ! Саха сарсыҥҥылаах буоллун! Санаатын сайа эттин!
Made on
Tilda